Berluskoni para 16 vite: Premier Liga më e fortë, do të vijnë edhe parat e Arabisë

Ish-kryeministri italian dhe pronari legjendar i Milanit, Silvio Berluskonit, i cili vdiq dy javë më parë, 16 vjet më parë, kishte parë drejtimin në të cilin po lëviz futbolli botëror. Kjo mund të shihet në një fragment nga intervista e tij nga viti 2007. Në një bisedë për “La7”, Berluskoni edhe atëherë parashikoi se futbolli italian do të mbetej pas Premierligës dhe parashikoi edhe atë që po shohim sot, se paratë e mëdha do të vijnë nga Arabia Saudite.

“Unë e shoh Serinë A po bëhet gjithnjë e më e varfër. Tani jemi në krye, por pas 15 vitesh do të jemi vetëm një supermarket i vogël për lojtarët. Premierliga angleze do të jetë numri 1 dhe të gjithë të tjerët do të jenë pas tyre. Ne nuk kemi mjete për t’i luftuar ata. Atëherë arabët do të hyjnë në futboll dhe ne nuk do të jemi më tërheqës për askënd. Nuk kemi infrastrukturë dhe stadiume të reja. Jemi 30 vjet prapa. A e dini se arabët ndërtojnë qytete të tëra në shkretëtirë? Ata do të hyjnë patjetër në futboll sepse është biznesi më i madh që të jep publicitet. Çfarë ofrojmë ne?

Nëse qeveria nuk jep mbështetje, ne do të jemi eshalomi i tretë. Në Angli, fëmijët e vegjël inkurajohen të luajnë futboll dhe qeveria siguron fonde për akademitë e futbollit. Këtë e bëjnë edhe në Gjermani. Në Itali qëndrojmë në vend. Kur flas për këto gjëra, njerëzit mendojnë se jam i çmendur. Unë jam duke parë nga e ardhmja dhe jam i sinqertë me të gjithë ju. Dhe e ardhmja e kampionatit italian është shumë e errët”, tha Berluskoni në atë kohë.