Bisedime Liban-Izrael për kufijtë e diskutueshëm
Libani dhe Izraeli njoftuan sot nisjen e bisedimeve, nën ndërmjetësimin e OKB-së, për kufijtë e tyre të diskutueshëm detarë dhe tokësorë, një marrëveshje historike midis dy vendeve teknikisht në luftë, sipas Uashingtonit.
“Në lidhje me çështjen e kufijve detarë, takimet do të mbahen vazhdimisht në selinë e Kombeve të Bashkuara në Naqoura”, tha kryetari i Parlamentit libanez, Nabih Berri, në një konferencë për shtyp.
“Takimet do të mbahen nën kujdesin e Zyrës së Koordinatorit Special të OKB-së për Libanin (UNSCOL)”, shtoi ai.
Sipas Sekretarit amerikan të Shtetit, Mike Pompeo, marrëveshja për bisedime është rezultat i gati tre viteve përpjekjeve të forta diplomatike nga Uashingtoni
Asnjë datë nuk është njoftuar nga kreu i Parlamentit libanez për fillimin e negociatave ose mbi modalitetet e bisedimeve.