Boçvarski tha çka do të ndodhë me objektet që nuk i plotësojnë kushtet për t’u legalizuar

Ministri i Transportit dhe Lidhjeve, Bllagoj Boçvarski, në emisionin “360 Gradë” në Alsat, tha se të gjitha objektet e ndërtuara pa leje që nuk do të përfshihen me ligjin e ri do të hiqen nga terreni.

“Menjëherë pas përfundimit të këtij ligji, pra pas shtrirjes që do të ndodhë me këtë ligj dhe kërkesave që do të paraqiten dhe procedurat që do të kryhen, gjithçka që do mbetet do duhet të prishet. Kështu thotë ligji dhe duhet të respektohet dhe do të duhet të respektohet nga komunat dhe shteti përmes Inspektoratit Shtetëror të Ndërtimit”, thotë Boçvarski.