Bolivia kap sasinë më të madhe të kokainës në histori të vendit

Bolivia raportoi të premten sekuestrimin më të madh të kokainës në histori të vendit.

Sipas mediave të huaja, bëhet fjalë për më shumë se 8 ton drogë të destinuar me sa duket për në Holandë dhe të gjetur në një ngarkesë masive me lëndë drusore muajin e kaluar.

Dhe “kokaina pluhur” thuhet se kishte një “vlerë rruge” prej rreth 526 milionë dollarë, njoftoi ministri i Brendshëm, Eduardo del Castillo.

“Sasia më e madhe e kokainës e kapur në historinë e vendit tonë” u zbulua në një kamion në një rrugë të Andeve më 30 dhjetor, i fshehur mes një ngarkese lëndë druri me destinacion Evropën, citohet të ketë thënë ministri.

Katër persona u arrestuan, duke përfshirë një shtetas kolumbian i përshkruar si një “peshk i madh” në tregtinë e drogës.

Bolivia është prodhuesi i tretë më i madh në botë i kokainës pas Kolumbisë dhe Perusë, sipas Kombeve të Bashkuara.

Bolivia lejon kultivimin e 22,200 hektarë – përdorim në çaj dhe për rituale fetare – për të siguruar tregun e ligjshëm, por një pjesë fshihet për prodhimin e paligjshëm të kokainës.