Bolsonaro nis fushatën presidenciale në Brazil

Presidenti i Brazilit, Jair Bolsonaro, u ka prirë mijëra motoçiklistëve në fushatën e nisur për të siguruar përkrahje para zgjedhjeve të muajit tetor. Sipas sondazheve, ai nuk i ka punët mirë me përkrahjen e brazilianëve.

Bolsonaro, që kishte veshur një xhaketë lëkure, drejtoi motoçikletën “Honda” për 130 kilometra nga Sao Paulo në Americana. Bolsonaro krejt fushatën e tij e ka përqendruar në shtetin e Sao Paulos. Disa prej ministrave të tij kanë dhënë dorëheqje në javët e fundit për të garuar në Senatin e këtij shteti, me qëllim që presidenti Bolsonaro të sigurojë votat në këtë senat.

Ai siguroi më shumë se dy të tretat në zgjedhjet e vitit 2018, mirëpo sondazhet e javës së fundit kanë treguar se ish-presidenti majtist, Luiz Inacio Lula da Silva, është shumë afër tij në këtë shtet.

Sondazhet për zgjedhjet presidenciale kanë treguar se Da Silva i prin garës, e cila pritet të jetë shumë e ngushtë mes dy kandidatëve.

LEXO EDHE:

Back to top button