Bostoni ndal Filadelfia-n dhe barazon shifrat në 1-1
Skuadra e Bostonit fitoi 121-87 ndaj Filadelfia-s në gjysmëfinalen e dytë të “play off”-it në Konferencën e Lindjes, duke barazuar 1-1 serinë e takimeve.
Këtë herë, para tifozëve të saj, skuadra e Boston Seltiks nuk zhgënjeu, duke prishur festën e Xhoel Embiid, që një ditë më parë ishte shpallur “MVP”. Ylli i Filadelfia-s realizoi 15 pikë, ndërkohë që për miqtë mungoi lojtari lider, siç ishte Harden në sfidën e parë.
Për Boston, Braun realizoi 25 pikë, mbështetur nga Brogdon me 23 pikë. Vendimtar stoli i Bostonit, nga ku erdhën plot 54 pikë, duke bërë diferencën në parket.
Konf.Lindje, Play off-Gjysmëfinale
Boston – Filadelfia, 121-87 (1-1)
Nju Jork – Majami, (1-1)
Konf.Perëndim, Play off-Gjysmëfinale
Denver – Feniks, (2-0)
Golden Stejt – Lejkers, (0-1)
