Carovska: Interesimi i mësimdhënësve për vaksinim, “aspak i keq”
E pyetur se si e vlerëson procesin e vaksinimit kundër Covid-19 tek punonjësit në arsim, ministrja e Arsimit dhe Shkencës, Milla Carovska mohoi se ka interesim të ulët nga për t`u imunizuar sektorin që ajo drejton, shkruan Alsat. Carovska tha se vaksinimi i deritanishëm i punonjësve në arsim i përmbush pritshmëritë e MASH.
Në lidhje me: Mos-vaksinimi i mësimdhënësve rrezikon vitin e ri shkollor?
“Jemi në bashkëpunim të vazhdueshëm me Ministrinë e Shëndetësisë, vaksinimi në faza po vazhdon dhe mund të them se interesimi punonjësve në arsim nuk është aspak i keq. Unë mund të theksoj se dalja nga klasa e parë deri në klasën e tretë ishte e shkëlqyer sipas pritshmërisë sonë”, pohoi ministrja Carovska.
