Çdo pikë vendos kampionin e Serie A, Napoli e Interi në aktin e fundit
Serie A arrin kulmin e saj me dy ndeshje vendimtare: Napoli pret Kaliarin në “Diego Armando Maradona”, ndërsa Interi udhëton drejt Komos. Napoli kryeson tabelën me 79 pikë, një më shumë se Interi, duke e bërë çdo rezultat të rëndësishëm për fatin e titullit.
Napoli, nën drejtimin e Antonio Kontes, ka nevojë për një fitore për të siguruar “Scudetto”-n. Megjithatë, Konte do të mungojë në stol për shkak të një pezullimi pas një incidenti në ndeshjen kundër Parmës. Ai ka theksuar rëndësinë e përqendrimit dhe disiplinës në këtë ndeshje vendimtare. Kaljari, ndonëse i sigurt nga rënia, nuk është një kundërshtar për t’u nënvlerësuar. Historikisht, Napoli ka pasur sukses kundër tyre, duke fituar 9 nga 12 ndeshjet e fundit në shtëpi. Megjithatë, presioni i titullit mund të ndikojë në performancën e skuadrës napolitane.
Nga ana tjetër, Interi përballet me Komo-n, një skuadër që ka siguruar vendin e 10-të dhe luan pa presion. Trajneri i Komos, Çesk Fabregas, ka deklaruar se skuadra e tij do të luajë me guxim dhe pa frikë ndaj Interit. “Nerazzurrët” kanë nevojë për një fitore dhe shpreson që Napoli të humbasë ose të barazojë për të fituar titullin. Nëse Napoli barazon dhe Interi fiton, “Nerazzurrët” do të shpalleshin kampion, ndërsa një humbje e Napolit dhe barazim i Interit do të barazonte skuadrat me pikë, duke çuar në një ndeshje ‘play-off’ për të vendosur kampionin. Kjo do të ishte hera e parë në historinë moderne të Serie A që titulli vendoset në këtë mënyrë.
