Për shumë njerëz, një filxhan kafe është kthyer në një ritual mëngjesi pa të cilin nuk e nisin kurrë ditën.
Zakonisht e pimë me stomakun bosh dhe siç paralajmërojnë dietologët, kjo mund të mos jetë ideja më e mirë për shëndetin tonë, transmeton portali Real Simple.
“Kafja me stomakun bosh mund të stimulojë prodhimin e tepërt të acidit në stomak, gjë që shkakton një sërë problemesh në stomak ose refluks acidi”, thotë dietologia e regjistruar Christina Manian.
“Ai gjithashtu mund të stimulojë prodhimin e kortizolit nga trupi, hormoni i stresit. Megjithëse një pjesë e kortizolit është e rëndësishme për rregullimin e sheqerit në gjak, presionit të gjakut dhe metabolizmit, sasitë e tepërta për një periudhë të gjatë kohore mund të çojnë në hipertension, nivele të çrregulluara të sheqerit në gjak dhe potencialisht të rezultojnë në zhvillimin e diabetit dhe humbjen e densitetit të kockave.
Gjithashtu, dietologu shton se pirja e herëpashershme e kafesë me stomakun bosh nuk mund të rezultojë në efekte anësore më të rrezikshme, por rekomandon marrjen e disa ushqimeve me filxhanin e parë të kafesë, nëse është e mundur.
