Clark vjen në Kosovë, takohet me Kurtin dhe Mehajn

Gjenerali amerikan në pension, Wesley Clark, ka ardhur në Kosovë.

Ai aktualisht është në takim me kryeministrin Albin Kurti dhe ministrin e Mbrojtjes Armend Mehaj, njofton Klankosova.tv.

Në ndërtesën e qeverisë bashkë me ministrin e Mbrojtjes ka hyrë edhe ministri i Punëve të Brendshme, Xhelal Sveçla, i cili më pas tha se nuk është pjesë e këtij takimi.

Për vizitën e ushtarakut amerikan në Prishtinë nuk kishte ndonjë njoftim paraprak.

Wesley Clark, që udhëhoqi fushatën e bombardimeve të NATO-s mbi caqet ushtarake dhe policore serbe 23 vjet më parë, është këshilltar i jashtëm i ministrit Armend Mehaj dhe kësisoj ndan eksperiencën e tij ushtarake dhe diplomatike.