COVID-19, Sllovenia vendos shtetrrethimin e natës
Sllovenia do të aplikojë shtetrrethimin e natës, nga e marta, në mënyrë që të frenojë përhapjen e COVID-19, tha sot ministri i Brendshëm, Ales Hojs.
“Për më tepër, numri i personave të lejuar në një grup do të zvogëlohet nga 10 në gjashtë. Ngjarje të tilla, si dasmat dhe ceremonitë fetare nuk lejohen më në këtë pikë”, shtoi ai, sipas agjencisë së lajmeve STA.
Hojs theksoi se orari i shtetrrethimit, 21:00 – 06:00, po vendoset, sepse kontrollet kanë treguar se një pjesë e madhe e infektimeve të reja po hasen në tubime private mbrëmjeve dhe të natës.
