Derbi pa fitues, Shkupi – Shkëndija 1-1
Sot u zhvilluan 6 sfidat e javës së 17-të në Ligën e Parë Futbollistike të Maqedonisë, e cila kaloi në shenjë të derbit të madhe të zhvilluar në Shkup, ku u takuan FC Shkupi dhe Shkëndija. Kampioni aktual, Shkëndija, ishte në epërsi me golin e Sindrit Gurit në minutën e 71-të, ndërsa lideri aktual në Ligën e Parë, skuadra e FC Shkupit, barazoi shifrat në 1-1 në minutën e 88-të, falë realizimit preciz nga Alavarezi, nga gjuajtja e lirë.
Me të njëjtin rezultat u mbyll edhe takimi në Tetovë, në sfidën në mes Renovës dhe Tikveshit. Mustafov solli epërsi për vendasit, ndërsa mysafirët barazuan me golin e Ngoba-s.
Në përballjet e tjera, Makedonija Gjorçe Petrov në mënyrë bindëse mundi Akademia Pandevin me 4-1, ndërsa fitore bindëse shënoi edhe Boreci në transfertë, duke mundur Pelisterin në Manastir me rezultat 3-1. Fitores në transfertë iu gëzua edhe Rabotniçki, që mundi Bregallnicën me 2-1. Ndërkohë Skopje shfrytëzoi terrenin vendas dhe me golin e Kirovskit, mundi skuadrën e Struga Trim Lum.
Liga e Parë – Java 17
FC Shkupi 1-1 Shkëndija
Renova 1-1 Tikveshi
Makedonija Gj.P. 4-1 Akad. Pandev
Pelisteri 1-3 Boreci
Bregallnica 1-2 Rabotniçki
Skopje 1-0 Struga Trim Lum