Gazeta “ABC” ka raportuar se më 20 shtator, shtëpia e Serhio Ramos dhe Pilar Rubio në Sevilje u grabit gjatë një ndeshjeje dhe se gjatë sulmit katër fëmijët e tyre ishin në shtëpi.
Gazetari Jesus Diaz raporton se grabitja e natës ndodhi gjatë ndeshjes, ku Sevilja përfundoi duke barazuar 1-1 kundër Lens në Ligën e Kampionëve.
Sipas tij, katër fëmijët e çiftit dhe kujdestarët e tyre, të cilët ishin në fermën La Alegroa (Bollullos de the Mitacion) gjendeshin brenda, por nuk janë dëmtuar. Në kohën e grabitjes, sipas burimeve hetimore të “ABC Seville”, Ramos ishte në stadiumin “Ramon Sançez Pizhuan” dhe gruaja e tij ishte jashtë qytetit për arsye profesionale.
Kjo nuk është hera e parë që ylli spanjoll grabitet, pasi Ramos tashmë pësoi një grabitje në shtëpinë e tij në Madrid në vitin 2012 kur kishte qëlluar edhe vet në shtëpi.
Lojtari i atëhershëm i Real Madrid pa dy persona që hynë në shtëpinë e tij kur ishte në shoqërinë e vëllait të tij Rene.
“Kanë qenë brenda, por nuk ka qenë grabitje e dhunshme pasi nuk ka pasur konfrontim”, thoshin burime pranë kapitenit të Los Blancos.
Hajdutët nuk kishin planifikuar të takonin njeri në shtëpi dhe u larguan të tmerruar.
