Dështon interpelanca ndaj Kostadinovskit, Fronti Evropian akuzuan shumicën parlamentare për hipokrizi

Fronti Evropian akuzuan shumicën parlamentare për hipokrizi pas dështimit të interpelancës për kreun e Gjykatës Kushtetuese Darko Kostadinovski. Justifikimin e pushtetit se nuk mund të ketë interpelancë ndaj kreut të kushtetueses për shkak se është instance më e lartë në shtet, deputeti Ilir Hasani e quan qesharak dhe të paqëndrueshëm.

“Meqë realisht ne s’po dimë ta ruajmë shtetin tonë dhe po i thyejmë këto shtylla, bazat e shtetit, u bëj thirrje të gjithë institucioneve ndërkombëtare, këtu e potencoj ambasadën e SHBA-së dhe Ambasadën e BE-së në vendin tonë të bëjnë vigjilencë për këtë masakër mbi demokracinë dhe rendin kushtetues të shtetit tonë dhe se t’ua bëj me dije se për fat të keq nuk po ju përmbahemi aspak rekomandimeve të cilat ata tanë kohën po na i japin neve”, deklaroi Ilir Hasani, Frontu Evropian. /Alsat.mk