Detajet nga Regjistrimi i Popullsisë, flet Simovski

Drejtori i Entit Shtetëror të Statistikave, Apostoll Simovski vlerëson se pavarësisht sfidave gjatë procesit, regjistrimi i popullsisë është i saktë dhe pa asnjë bazë dyshimi për manipulime, shkruan Alsat.

Publikimi i rezultateve do të jetë me faza.

Sipas Simovskit, të mërkurën publikohet numri i përgjithshëm i popullsisë rezidente dhe jo rezidente si dhe karakteristikat e tyre të gjinisë, moshës, religjionit, përkatësisë etnike, gjuhës amtare, numri i shtëpive dhe amvisërive.

Në muajt e ardhshëm do të publikohen të dhënat për karakteristikat arsimore dhe ekonomike të popullatës. Regjistrimi i popullsisë, banesave dhe amvisërive u realizua nga 5 deri më 30 shtator të vitit 2021.