Dhjetë ditë pasi e emëroi, Arsovska shkarkoi u.d. drejtorin e “Parkingut të qytetit” – ja kush vjen në vend të tij

Dhjetë ditë pasi e emëroi, Arsovska shkarkoi u.d. drejtorin e “Parkingut të qytetit” - ja kush vjen në vend të tij

Vetëm dhjetë ditë pasi kryetarja e Shkupit Danela Arsovska emëroi Filip Pas’hu si u.d. drejtor i NP “Parkingu i qytetit”, është shkarkuar nga detyra. Nga sot, u.d. drejtor i ndërmarrjes është Bojan Hristovski, i cili deri më tani ka qenë i punësuar në MPB.

Nga kabineti i Arsovskës thonë se Pas’hu ishte vetëm zgjidhje e përkohshme.

“Filip Pashu nuk është shkarkuar, është emëruar në funksionin e u.d. drejtor si zgjidhje e përkohshme për respektimin e afateve. Ai do të ketë angazhim me një pozicion të ri në Qytet. Ndërmarrja ka drejtor të ri, Bojan Hristovskin”, thonë nga Qyteti i Shkupit.

Pas’hu u emërua në këtë funksion më 31 dhjetor dhe as atëherë në njoftimin e Qytetit nuk thuhej se ishte një zgjidhje e përkohshme, por thuhej se është emëruar ushtrues i ri detyre drejtor në NP “Parkingu i Qytetit”.

“Pas’hu është magjistër në ekonomi, me përvojë shumëvjeçare në menaxhimin e projekteve të shumta të fondeve USAID, DFID, IPA të Bashkimit Evropian. Ai ka pasur përvojë edhe nga pozita e drejtorit joekzekutiv të SHA “Energetika” Shkup, ka qenë zëvendësdrejtor i “Prkingu i Qytetit”, si dhe kryetar i Këshillit drejtues në njëjtën ndërmarrje”, thuhej në komunikatën e 31 dhjetorit të Qyteti i Shkupit.

LEXO EDHE:

Back to top button