Dhjetë lojtarët më të mirë të Italisë, Nikollo Barela me meritë para të tjerëve
Ylli i Interit, Nikolo Barella është lojtari më i mirë italian në Serie A në 18 ndeshjet e para të edicionit 2024/25. Vlerësimet janë krijuar nga vlerësimet e lojtarëve nga gazetat sportive italiane, duke marrë parasysh futbollistët që kanë pasur të paktën 50% të paraqitjeve.
Sipas “Fantacalcio”, Barella ka mesataren më të lartë të vlerësimit të lojtarëve në ligë në 18 xhirot e para, me notë 6,64, pak mbi Moise Kin të Fiorentinës (6,56) dhe Federiko Dimarko (6,53). Interi vendos tre lojtarë në top pesëshe, të plotësuar nga Mateo Retegui i Atalantës, i cili aktualisht është jashtë fushës për shkak të një dëmtimi. Sulmuesi italian ishte golashënuesi më i mirë i Azzurrëve në vitin 2024 dhe do të humbasë gjysmëfinalen e ardhshme të Superkupës së Italisë kundër Interit.
Napoli i Antonio Kontes ka dy lojtarë në mesin e 10 lojtarëve më të mirë italianë në Serie A deri më tani: Alesandro Buonxhiorno dhe Aleks Meret. Një tjetër portier, Marko Karneseki i Atalantës, renditet në top 10 me vlerësimin 6,35.
Top 10 plotësohet nga kapiteni i Lacios, Matia Zakanji dhe talenti i Empolit, Sebastiano Esposito, golashënuesi i gjashtë golave në Serie A këtë sezon.
10 lojtarët më të mirë të Italisë deri në javën e 18-të të Serie A
Nikolo Barella (Inter) – 6,64
Moise Kin (Fiorentina) – 6,56
Federiko Dimarko (Inter) – 6,53
Alesandro Bastoni (Inter) – 6,5
Mateo Retegui (Atalanta) – 6,44
Alesandro Buonxhiorno (Napoli) – 6,4
Aleks Meret (Napoli) – 6,4
Matia Zakanji (Lazio) – 6,38
Sebastiano Esposito (Empoli) – 6,36
Marko Karneseki (Atalanta) – 6,35
