Disa përfitime shëndetësore të aktivitetit të rregullt fizik
Ruajtja e shëndetit të trurit është çelësi për cilësinë e jetës dhe aktiviteti i thjeshtë fizik është një nga mënyrat më efektive për të rritur funksionin njohës dhe aktivitetin emocional.
“Aktiviteti fizik mund të trajnojë zonat e trurit që janë përgjegjëse për zgjidhjen e problemeve, koordinimin dhe kujtesën,” tha fiziologia Dr Milica McDowell për Parade .
Ajo shpjegon se modelet komplekse të ushtrimeve, si golfi apo pingpong, i forcojnë këto aftësi. Përveç kësaj, stërvitja përmirëson cilësinë e gjumit, gjë që mundëson përmirësimin e kujtesës dhe zhvillimin e kreativitetit.
“Ushtrimi mund t’ju ndihmojë të flini më mirë, por është e rëndësishme të shmangni aktivitetin e vrullshëm para gjumit,” thotë psikiatri Dr Mike McGrath.
Ushtrimi i moderuar gjithashtu zvogëlon rrezikun e rezistencës ndaj insulinës.
“Ushtrimi zvogëlon rrezikun e rezistencës ndaj insulinës dhe inflamacionit dhe nxit rritjen e enëve të gjakut dhe qelizave të reja në tru”, tha doktor Rabi Kashuti.
Përveç kësaj, stërvitja e rregullt nxit lirimin e hormoneve si dopamina dhe serotonina, të cilat Dr McDowell shpjegon se krijojnë ndjenja pozitive pas stërvitjes dhe reduktojnë stresin.
“Sipas hulumtimeve, ushtrimet e moderuara mund të zvogëlojnë rrezikun e rënies njohëse me 38%,” thotë Dr McDowell.
Ai rekomandon 150 deri në 180 minuta aktivitet të moderuar në javë ose 75 deri në 150 minuta ushtrime me intensitet të fuqishëm të paktën dy herë në javë. Gjithashtu, aktivitetet e thjeshta si ecja mund të përmirësojnë ndjeshëm shëndetin e trurit dhe ushtrimet më të mira janë ato me të cilat do të jeni të qëndrueshëm.
