“Djajtë e Kuq” arrijnë deri te pozita e dytë
“Djajtë e Kuq” arkëtuan pikët e plota në përballjen me Uest Hemin, duke e mundur këtë të fundit me rezultat minimal, falë një autogoli.
Skuadra e drejtuar nga Ole Gunar Solskjaer ishte shumë më e mirë, sidomos në pjesën e parë, ku nuk lejuan që mysafirët të kenë as edhe një goditje. Ndërkohë ishte autogoli i Dausonit, që doli vendimtar që Man. Junajtedi të arkëtojë pikët e plota.
“Djajtë e Kuq” me këto 3 pikë rikthehen në pozitën e dytë me 57 pikë, derisa Uest Hemi renditët në pozitën e pestë me 48 pikë.