“Djajtë e Kuq” kërkojnë anësorin ofenziv të Ajaksit

Trajneri i Man. Junajtedit, Erik ten Hag nuk ka ndërmend të heqë dorë nga Antoni. Tekniku holandez e njeh shumë mirë cilësitë e lojtarin, pasi e ka pasur nënurdhrat e tij tek Ajaksi, prandaj këmbëngul për transferimin e tij në “Old Trafford”.

Drejtuesit e “Djajve të Kuq” janë të gatshëm t’i plotësojnë dëshirën timonierit të tyre për të pasur sërish nënurdhrat e tij Antoni, teksa do të tentojnë të bindin skuadrën holandeze.

Sipas asaj që raporton “Marca” skuadra angleze është e gatshme t’i ofrojë holandezve 45 milionë euro në mënyrë që të lihet i lirë sulmuesi anësor, i preferuari i Ten Hag.