Dribluesi më i mirë në Evropë mbi 23 vjeç është nga Kosova

Dribluesi më i mirë në Evropë mbi 23 vjeç është Edon Lulzim Zhegrova i lindur në Herford të Gjermanisë më 31.3.1999. Të paktën kështu thotë ‘Indeksi’ i përgatitur së bashku nga ‘Wyscout’ dhe ‘CIES Football Observatory’ mes lojtarëve që kanë luajtur të paktën 450 minuta në pesë ligat kryesore, shkruan gazeta Marca. Sulmuesi anësor i Lille ka përfunduar me sukses 27 nga 44 driblime që ka tentuar në Ligue 1. Domethënë, ai ka një përqindje suksesi prej 61.36%. Reprezentuesi kosovar shkëlqeu me dritën e tij në fitoren e fundjavës së kaluar ndaj Monacos (2-0). Golat e Diakite dhe Ivan Cavaleiro lindën nga ‘këpucët e tij’.

Ai luajti aq mirë sa edhe ‘Adi’ Hutter, trajneri i Monakos, iu dorëzua ish-lojtarit të Baselit, i nënshkruar nga Lille në janar të vitit 2022 në këmbim të 7 milionë eurove.

“Zhegrova na dha shumë probleme dhe ndryshoi lojën. Në 15 minuta para pushimit ai ishte fantastik. Ai ka këmbën e majtë të shkëlqyer. Driblon shumë mirë dhe ka gjeste teknike shumë të bukura. Edhe duke ditur se çfarë do të bëjë, është e vështirë ta ndjekësh”, ka thënë Huter.

Zhegrova, i cila ka dy gola dhe katër asistime në 14 ndeshjet që ka luajtur këtë sezon, ka lindur në Gjermani, por ka formësuar driblimin e tij në Kosovë. Remy Cabella, një nga shokët e tij të skuadrës në sulm, gjithashtu e mbështet atë.

“Ai ka aftësinë për të dribluar shumë lehtë rivalët”, ka thënë Cabella.

Gazeta “Marca” mbyll shkrimin e tij për Zhegrovën me një fjali: Driblimi i tij është ‘trashëgimi’ i Ligue 1… por tashmë i kalon kufijtë.