Drita dhe Shkëndija shkruajnë historinë dhe bëjnë krenar gjithë shqiptarët
KF Drita dhe KF Shkëndija ia dalin dhe në fund arrijnë të shkruajnë historinë. Dy ekipet shqiptare kanë siguruar biletën për në play-off për në raundin e 1/16-ve në Ligwn e Konferencws.
Drita është mundur në Madrid 3-0 nga Rajo Valejkano. Për spanjollët shënoi fillimisht Florian Lezheune, me një goditje nga distanca në minutën e 33-të. Zherard Gumbau dyfishoi shifrat në minutën e 66-të nga goditja e dënimit. Paça shënoi golin e tretë në minutën e 83-të. Pavarësisht humbjes, Drita e mbyll në vendin e 20-të me 8 pikë.
Shkëndija u mposht 1-0 në Qipro nga AEK Larnaka. Rezultati u zhbllokua në minutën e 83-të, me golin e Karol Angielski. Gjithë pjesën e dytë, “kuqezinjtë” luajtën me një lojtar më pak pas kartonit të kuq të Liridon Latifit, për ndërhyrje të ashpër me takë ndaj kundërshtarit.
Pavarësisht humbjes, Shkëndija renditet në vendin e 22-të me 7 pikë.
