Dy gra në garë për Presidente të Francës

Dy politikane i kanë hyrë garës në përpjekje për t’u bërë presidentja e parë grua e Francës, në zgjedhjet e vitit të ardhshëm. Kryebashkiakja socialiste e Parisit, Anne Hidalgo, dhe Marine Le Pen e Tubimit Kombëtar të së djathtës ekstreme, kanë nisur zyrtarisht fushatat e tyre.

Hidalgo, e cila u bë gruaja e parë që drejtoi kryeqytetin francez më 2014, është favoritja për të fituar nominimin e Partisë Socialiste.

Sidoqoftë, sondazhet tregojnë se ajo ka pak shanse për të bërë një sfidë serioze nëse nuk mund të bashkojë të majtën, e cila mbetet thellësisht e ndarë.

Hidalgo aktualisht po garon me rreth 8 për qind të mbështetjes së votuesve në raundin e parë të prillit, ndërsa kryetari qendror i partisë, Emmanuel Macron, dhe zonja Le Pen po rriten mes 20 përqind dhe 24 për qind.

62 vjeçarja ka premtuar një ekonomi më të gjelbër, ri-industrializim në zonat e vjetra prodhuese dhe përmirësime në arsim.

Si kryebashkiake e Parisit, politikania me origjinë spanjolle është vlerësuar për shndërrimin e brigjeve dikur të trafikut në lumin Seine në shëtitore për këmbësorë, për ashpërsinë ndaj automjeteve ndotëse dhe krijimin e korsive të reja të biçikletave gjatë krizës COVID-19.
Por, ndërsa profili i saj ka marrë një popullaritet pasi Parisi merr përsipër nikoqirin e Lojërave Olimpike të radhës, ajo mbetet një e panjohur jashtë kryeqytetit.

Rivali i vetëm i zonjës Hidalgo deri më tani është ish-ministri i bujqësisë, Stephane Le Foll.
Të gjelbërit, të cilët performuan mirë në zgjedhjet komunale vitin e kaluar, gjithashtu do të shpallin një kandidat në javët e ardhshme.

Ndërkohë, zonja Le Pen, 53 vjeç, filloi fushatën e saj në qytetin jugor të Frejus me një premtim për të mbrojtur “lirinë franceze”.

Ajo e bëri 26 vjeçaren Jordan Bardella drejtuese të partisë, ndërsa po përgatitet për garën presidenciale.

Macron, 43 vjeç, ende nuk e ka shpallur kandidaturën e tij, por pritet ta bëjë këtë, shkruan SkyNews.

Nisja e kandidaturës në Francë është një formalitet i domosdoshëm për çdo zgjedhje presidenciale.

Garë e madhe pritet të jetë mes Le Pen dhe Macron, siç ishte për herë të fundit më 2017.