E diela pushim, pr/ligji në seancën e ardhshme të qeverisë

Qeveria nuk e pranon që nxitoi të shpall të dielën, si një ditë jo pune. Të gjitha afatet për hartimin e tekstit ligjor, që do të rregullojnë këtë të drejtë të punëtorëve janë shkelur. Autoritetet nuk zbuluan nëse sektori i biznesit po i bënte presion për të mos marrë një vendim të tillë dhe për të mos ndryshuar rregullat.

https://www.youtube.com/watch?v=puV8gpHL3GM&feature=youtu.be

Konsultimet e ministrisë përkatëse, me ministritë e tjera dhe sektorin privat, me odat janë në vazhdim. Të gjitha propozimet dhe sugjerimet, që vijnë nga sektori privat do të merren parasysh dhe propozimi do t’i paraqitet qeverisë. “Ne e dimë se disa ditë më shumë nga aji që u parapa, por ne presim që të kemi një propozim, që do të mbulohet nga të gjitha palët- deklaroi Muhamed Hoxha -zëdhënës i qeverisë.

Dje, skadoi afati shtatë-ditor që ministrja e punës Jagoda Shahpaska ua dha kolegëve të saj për të paraqitur një listë të propozuar të veprimtarive, që nuk do të punojnë të dielën. Por, ministrat nuk arritën të arrijnë një marrëveshje me sektorin privat brenda afatit të dhënë.

Ministria e Punës dhe Politikës Sociale

“Sipas Vendimit të Qeverisë, e diela duhet të jetë një ditë jo-pune për të gjithë qytetarët, përveç atyre veprimtarive që janë të nevojshme për funksionimin papengesë të shoqërisë, siç janë shëndetësia, mbrojtja, policia, mbrojtja sociale, aktivitetet komunale, industria e rëndë”

Njoftimi se po përgatitet një zgjidhje ligjore, e cila do ta bëjë të dielën një ditë jo pune për të gjithë qytetarët, erdhi nga vet kryeministri Zaev, i cili më pas udhëzoi ministrinë përkatëse për të përgatitur projektligj brenda 15 ditësh, por që nga ajo ditë kanë kaluar 29 ditë. Njoftimet tani janë se projektligji do të paraqitet në një seancë qeveritare javën e ardhshme. Tani për tani, informacioni është se gastronomët, shitësit me pakicë, si dhe sektori i turizmit kërkuan të vazhdojnë punën të dielën, dhe tregtia me shumicë të lirohet nga detyrimet atë ditë. Sindikata beson se nëse nuk miratohet një ligj nga i cili do të përfitojnë të gjithë punëtorët, është më mirë të mos ndryshohet Ligji i Marrëdhënieve të Punës.

Ile Petreski