Edon Zhegrova, në radarin e gjigandit të Premier Ligës
Sipas “Fichajes.net”, Edon Zhegrova mund të jetë lojtar i ardhshëm i gjigantit anglez, Çellsi. Futbollisti kosovar mund të transferohet tek ‘Blutë e Londrës’ gjatë verës së ardhshme.
Fantasisti kosovar sezonin e kaluar arriti t’i shënonte 12 gola dhe i dhuroi 10 asistime. Anësori dardan e nisi në mënyrë perfektë edhe këtë sezon ku ka realizuar katër gola në pesë ndeshje, tri në Ligën e Kampionëve dhe një në Ligue 1. Falë këtyre performancave ai mund të jetë lojtar i ekipit londinez që nga vera e vitit 2025.
Zhegrova ndryshe cilësohet edhe si lojtari më premtues në rolin e tij në Ligue 1. Futbollisti dardan u transferua tek skuadra e Lillet në janar të vitit 2022 nga Baseli.
