Ekspertët turq: Energjia e akumuluar prej 500 vitesh shkaktoi një tërmet të fortë

Të dhënat e reja shkencore, të cilat dalin në dritë përmes forumeve shkencore, po zbulojnë fuqinë e shkatërrimit të dy tërmeteve në Turqi. Të dhënat sizmologjike, të marra ditët e fundit nga institutet kërkimore turke dhe ndërkombëtare, shpjegojnë gjerësisht përmasat dhe shtrirjen e katastrofës.

“Ajo që ndodhi, dy tërmete shumë të forta në më pak se një ditë, është jashtëzakonisht e rrallë,” tha Giorgos Gazetas, profesor në departamentin e Inxhinierisë së Ndërtimit në NTUA.

“Shpejtësia e lëkundjes së tokës kalonte 1 metër në sekondë, ndërsa shpejtësia e çarjes ishte 2000-3000 metra në sekondë. Për të kuptuar rëndësinë e këtyre sasive, sa më i madh të jetë lëkundja, aq më të mëdha janë forcat e ushtruara mbi pllakat.

Kjo ngarkesë duhet të “marrë” nga shtyllat e ndërtesës, nëse këto janë të vogla ose jo të përforcuara siç duhet, atëherë ndërtesa shembet menjëherë.

Të mos harrojmë se përgjatë çarjes ka qytete me një popullsi prej 500 mijë apo edhe 1 milion banorësh.

“Ndërsa provat kristalizohen, ne shohim se çarja ishte e paprecedentë, rreth 200 km, ndoshta më e madhja në histori”, tha Thanasis Ganas, drejtor i kërkimit në Institutin Gjeodinamik.

“Fokusi i parë ishte në një çarje të paeksploruar, kështu që ne nuk mund ta dimë nëse ajo ka qënë shkaku.

Për sa i përket zonës sizmike  të rajonit, më në jug në Antioki ka ndodhur një tërmet katastrofik në vitin 1872, ndërsa raportohet për një tërmet katastrofik në 1513 në Kahramanmaras.

Një tërmet kaq i fortë nuk kishte ndodhur në 500 vite, prandaj ne kishim një përqendrim të madh të energjisë”.