Elbasan Rashani nga Klermonti kalon në La Liga 2
Sulmuesi anësor i Kosovës, Elbasan Rashani ka nënshkruar zyrtarisht me klubin spanjoll, Elçe, duke kompletuar transferimin nga Klermonti.
“Elçe CF ka arritur marrëveshje me futbollistin Elbasan Rashani për t’u bërë një futbollist i ri”, thuhet në njoftimin e skuadrës spanjolle që garon në La Liga 2.
Detajet e transferimit nuk janë bërë publike, ndërsa lojtari ka nënshkruar kontratë të vlefshme deri në verën e vitit 2026. Ndryshe, Rashani ka një karrierë të pasur duke luajtur më parë me klube si Odd BK, Brondbi IF dhe Rozenborg në Norvegji përpara se të kalonte te Erzurumspor në Turqi e pastaj në sezonin 2021/22 te Klermonti në Ligue 1. Te klubi francez, Rashani pati shkëlqimin më të madh duke luajtur 85 ndeshje në Ligue 1 dhe duke shënuar me 13 gola dhe 7 asistime.
