Elly Schlein, gruaja e parë që do të drejtojë partinë më të madhe opozitare të Italisë

Deputetja Elly Schlein është kryetarja e re e Partisë Demokratike të Italisë, pasi mundi Stefano Bonaccini në zgjedhjet paraprake të formacionit të qendrës së majtë. Sipas agjencive italiane të shtypit, 37 vjeçarja fitoi 53.8% të votave pak pas orës 23:00 ndërsa Stefano Bonaccini u vlerësua me 46.2% të votave.

Elly Schlein ka premtuar ta bëjë partinë më radikale për të sfiduar koalicionin qeverisës të udhëhequr nga Giorgia Meloni të partisë së ekstremit të djathtë Vëllezërit e Italisë (FDI). Kjo është hera e parë në historinë e Italisë që dy gra drejtojnë dy partitë më të mëdha të vendit. Fitoren ajo e cilësoi si një revolucion.

“Ne fituam, së bashku bëmë një revolucion të vogël, të madh”. Kështu tha Elly Schlein duke folur para komisionit të saj zgjedhor. “Jam jashtëzakonisht mirënjohëse për ju”, shtoi ajo para mbështetësve të saj. “Demët janë gjallë dhe po na kërkojnë të ndryshojmë vërtet”, shtoi më tej ajo.

Schlein është shtetas italiane dhe amerikane dhe është rritur në Zvicër. Ajo më parë, ndër të tjera, ka punuar edhe me fushatën zgjedhore të ish-presidentit amerikan Barack Obama./abcnews.al