FIFA organizon rreth 1% të ndeshjeve të klubeve më të mira të botës
FIFA organizon rreth 1% të ndeshjeve të klubeve më të mira të botës
“FIFA organizon rreth 1% të ndeshjeve të klubeve më të mira të botës. 98-99% e ndeshjeve organizohen nga kampionatet dhe federatat e ndryshme”, kështu u shpreh presidenti Infantino në Kongresin e FIFA-s në Bangkok.
Ky reagim i tij erdhi si një përgjigje e shqetësimeve të federatave dhe kampionateve kombëtare për kalendarin e ngarkuar të skuadrave pas lançimit të Kupës së Botës për Klube me 32 ekipe. Infantino shtoi se FIFA financon futbollin në 211 vende, ndërsa shtoi se 70% të federatave apo shoqatave i kanë të ardhurat nga FIFA. “FIFA financon futbollin në të gjithë botën.
Të ardhurat që gjenerojmë shkojnë jo vetëm për disa klube në një vend, por për 211 vende në mbarë botën. Nuk ka asnjë organizatë tjetër që e bën këtë. Misioni ynë është të organizojmë evente dhe gara dhe të zhvillojmë futbollin në mbarë botën, sepse 70% e shoqatave anëtare të FIFA-s nuk do të kishin futboll pa burimet e ardhura direkt nga FIFA”, deklaroi numri “Një” i FIFA-s.
