Finalja në Munih vendos edhe për çmimin “Topi i Artë”?!
Finalja e madhe e Ligë së Kampionëve më 31 maj në Munih, mes PSZH-së dhe Interit, është shumë më tepër se për një trofe. Është gjithashtu një duel për “Topin e Artë” 2025. Dembélé ka qenë “bishë” këtë sezon: 33 gola, 13 asistime në 42 ndeshje. I pandalshëm, i rilindur nën drejtimin e Luis Enrike, vendimtar në momentet kyçe. Dhe kur ka mbështetjen e bashkëlojtarëve e gjithë Parisit, kandidatura e tij është më se e vlefshme.
Përballë ka një kapiten që nuk ndalet. Lautaro Martinez, simbol i Interit të Inzagit, ka udhëhequr zikaltërit drejt finales me 9 gola në 13 ndeshje tëLigës së Kampioonëve, këtë edicion. I qetë, por i pamëshirshëm, nga “Copa America” te Serie A, ai ka ndërtuar një profil fituesi të vërtetë. Jo më vetëm golashënues, por udhëheqës.
“Topi i Artë” kërkon më shumë se statistika. Kërkon një moment madhështie, një arritje që të kujtohet. Dhe Champions-i është skena më e madhe. Stephane Courbis, agjent i njohur francez, nuk sheh shanse për Donnarumma apo Lautaro, por beson fort te Dembélé: “Nëse fiton Champions-in, është favoriti absolut”.
Sidoqoftë, asgjë nuk është e vendosur. Në horizont është edhe Lamine Jamal, ylli i ri i Barcelonës, eliminuar nga Lautaro në gjysmëfinale. Ronaldinjo e ka shpallur trashëgimtar: “Tani është radha e Lamine.” Jo për këtë vit, por e ardhmja është e tij.
Lista e kandidatëve do të zbulohet më 6 gusht dhe do të përfshijë edhe emra si Kejn, Levandovski, Rafinja, por në prapavijë. Sepse finalja e Mynihut mund të vendosë gjithçka.
