Boksieri britanik, Tajson Fjuri do të rikthehet në ring. Ai do t’i japë fund pensionimit të tij njëvjeçar në vitin e ardhshëm, i cili po lidhet me një meç rikthyes ndaj Enthoni Xhoshuas.
Kryetari i “Queensbury Promotions”, Frank Uarren, është i bindur se ndeshja do të zhvillohet vetëm nëse Fjurit i ofrohet shuma e duhur e parave.
“Ajo që do ta inkurajojë Tajsonin është aspekti financiar i saj. Unë besoj se ai e ka mposhtur AJ-në, ashtu si Tajsoni dhe ekipi. Gjithçka ka të bëjë me vlerën e ndeshjes. Është një ndeshje e madhe dhe ia vlen shumë para”, shtoi Uarreni.
Fjuri, meçin e tij të fundit e zhvilloi ndaj ukrainasit Oleksandr Usyk, por që ishte mposhtur nga ai në Arabinë Saudite. Ndërsa Xhoshua e zhvilloi së fundi ndeshjen ndaj yllit të rrjeteve sociale, Xhejk Poll, ku e mposhti me nokaut teknik. /IndeksOnline/
