Flik nuk frikësohet nga Mbape: Gjithmonë e kam mundur Realin, edhe me të në fushë
E mundshme prania e Kilian Mbappé në finalen e Superkupës së Spanjës mes Barcelonës dhe Real Madridit, çka ishte temë kryesore në konferencën e Hansi Flik, por trajneri gjerman e zbehu rëndësinë e saj. Për të, sfida është më shumë se një lojtar.
“Po luajmë kundër Real Madridit, jo kundër Mbapes. Ai është një lojtar fantastik, por ne përballemi me një skuadër fantastike”.
Flik kujtoi se Mbape ishte gjithmonë në fushë gjatë fitoreve të Barcelonës, sezonin e kaluar.
“Sa ndeshje luajtëm kundër Realit? Katër ose pesë? Dhe Mbape ishte gjithmonë aty. Megjithatë fituam”.
Bilanci është i qartë: fitore në të dyja sfidat e kampionatit, në Superkupë dhe finalen e Kupës së Mbretit, me vetëm një humbje në pjesën e parë të këtij sezoni. Mesazhi i Flick është i qartë, rëndësi ka identiteti, jo individi.
“Bëhet fjalë për mënyrën se si duam të luajmë, për t’i qëndruar besnik filozofisë tonë. Stili ynë është ndryshe nga ai i Realit. Për formacionin? Do të vendosim pas stërvitjes së fundit. Të gjithë duan të luajnë titullarë,” ka thënë mes tjerash Flik.
