Formati i ri në Ligën e Kampionëve sjell ndryshime radikale

Struktura e kompeticionit në fjalë do të ndryshojë ndjeshëm dhe sezoni i ardhshëm do të jetë i pari që nga viti 1992, në të cilin faza e grupeve do të zhduket. Edhe pse Blaugrana-t nuk kishin asgjë në lojë, sepse ishin kualifikuar tashmë, disfata 2-1 e Barçës, nënkupton humbjen e rreth 3 milionë eurove. Me fitoren e Atletiko Madridit ndaj Lazios, skuadrat spanjolle arritën një rekord të ri që kualifikohen në fazën e grupeve. Për herë të parë në historinë e Ligës së Kampionëve, 4 skuadra spanjolle u kualifikuan në 1/8 finale të Ligës së Kampionëve. Megjithatë, ky rekord nuk do të mund të përsëritet më, sepse faza e grupeve do të zhduket duke filluar nga sezoni i ardhshëm.

Ndryshimi i parë dhe i madh i formatit të ri është zgjerimi nga 32 në 36 ekipe pjesëmarrëse. Të gjitha këto ekipe do të ndahen në 4 grupe, me nga 9 ekipe secili, të shpërndara nga 1 deri në 36, sipas koeficientit të UEFA-s, i cili llogaritet në bazë të performancës së çdo klubi në Europë në pesë sezonet e fundit.

Formati i ri është një lloj lige me 36 ekipe, ku çdo ekip do të luajë 8 ndeshje (4 në shtëpi dhe 4 si udhëtuese), duke luajtur kështu kundër 2 ekipeve nga secili grup. Pas përfundimit të kësaj faze të parë, 36 skuadrat renditen sipas pikëve të marra.

Tetë skuadrat më të mira kualifikohen drejtpërdrejt në 1/8 finale, ndërsa 16 skuadrat që zënë vendet nga i 9-ti deri në 24-tin do të luajnë kundër njëra-tjetrës. Nga aty, Liga e Kampionëve do të jetë pikërisht siç e njohim sot: 1/8 finale, çerekfinale, gjysmëfinale dhe finale.

Duke qenë se luhen më shumë ndeshje sesa në formatin aktual, Champions League do të nisë më herët, pra në fund të gushtit ose fillim të shtatorit. Një tjetër ndryshim i madh në formatin e ri është se skuadrat e eliminuara nuk do të kenë më mundësi të luajnë në Ligën Europa.