Atletet për fëmijë janë bërë në atë mënyrë që ato zgjerohen me rritjen e këmbës së fëmijës.

Atletet quhen “UNOS (U Need One Size)”, ose keni nevojë për një madhësi.

Pjesa e poshtme e atleteve është e ndarë në formën e shkronjës “Z”, e cila lejon që atletet të zgjerohen si në gjatësi ashtu edhe në gjerësi me gjysmë madhësie. Kjo do t’u japë prindërve më shumë vlerë për paratë, në vend që të blejnë atlete të reja sa herë i rritet këmba e një fëmije.

Atletet janë aktualisht në shitje në SHBA në Target.

Rripat më të gjera tërheqëse në thembër dhe në gjuhën e atleteve janë të dizajnuara në atë mënyrë që e bëjnë më të lehtë për “duart e vogla” t’i mbajnë ato, dhe prodhuesi gjithashtu thotë se atletet lahen në makinë.

Dizajneri Dwayne Edwards tha se ai pa një mundësi për të revolucionarizuar mënyrën se si ne mendojmë për madhësinë e këpucëve. Frymëzimi i tij për “UNOS” vjen nga prakticiteti dhe inovacioni. Kjo paraqet një mundësi për të reduktuar nevojën për çorape të tepërta të këpucëve, dhe konsumatorëve u ofrohet një atlete që përshtatet me madhësi të shumta.

Atletet janë të disponueshme edhe për të rriturit

Kur bëhet fjalë për pjesën e sipërme të atleteve, stilisti ka zgjedhur kanavacën, në mënyrë që në atë vend atletet të përshtaten me rritjen e këmbës. Gjithashtu e bën më të lehtë përshtatjen me forma të ndryshme të këmbëve dhe redukton peshën e këpucës.

Megjithatë, këto atlete nuk janë vetëm për fëmijët, ka edhe një version për të rriturit. Ndërsa madhësia e këtyre atleteve për fëmijë mund të rritet në gjysmën e madhësisë, për të rriturit mund të rritet një madhësi e plotë.

Çmimi i modelit të atleteve për fëmijë është 35 dollarë, ndërsa për të rritur 50 dollarë. Ofrohen edhe 16 ngjyra të ndryshme të atleteve.

Dizajneri Edwards ka dizenjuar më shumë se 500 modele atletesh deri më tani, dhe gjithashtu ka punuar për reperët e famshëm si Tupac, Snoop Dogg dhe Notorious Big.