FOTO + VIDEO | U zhvillua festivali tradicional spanjoll “La Tomatina”: 22,000 njerëz hodhën domate

Të notosh në salcën e domates, t’i hedhësh domate njëri-tjetrit dhe madje të bësh ‘engjëj me domate’ janë disa nga aktivitetet në të cilat mijëra kanë marrë pjesë gjatë festivalit spanjoll.

Rreth 22,000 pjesëmarrës të veshur me rroba të bardha të spërkatura me tul domate marrin pjesë në furinë që kap Bunol, 40 km në perëndim të Valencias, çdo vit në javën e fundit të gushtit.

Thousands of people gathered in Bunol, Spain, for the annual La Tomatina festival 🍅

The ‘world’s biggest food fight’ sees participants hurl tomatoes at each other. pic.twitter.com/ocN0IhDbp6

— Sky News (@SkyNews) August 28, 2024

Shtatë kamionë dërguan 150 ton domate të pjekura, të cilat iu shpërndanë pjesëmarrësve të festivalit, një pjesë e madhe e të cilave erdhën nga jashtë. Të gjithë ata që nuk banojnë në Bunol paguajnë një tarifë prej 15 eurosh, ndërsa banorët e zonës e gëzojnë falas.

Pasi mbaroi “beteja”, u dërgua një ekip pastrimi për të pastruar rrugët nga domatet. Domatet e rritura posaçërisht për festivalin konsiderohen shumë acide dhe jo të përshtatshme për konsum njerëzor, raporton BBC.

Sipas faqes zyrtare të La Tomatina, festivali u themelua në vitin 1945. Gjithçka nisi me një përleshje kur të rinjtë që u përpoqën të shihnin nga afër paradën rrëzuan një nga pjesëmarrësit. Disa persona morën domate nga një tribunë aty pranë dhe i përdorën si raketa të improvizuara derisa policia rivendosi rendin.

Një vit më pas, të rinjtë organizuan përsëri “betejën” dhe disa sollën domatet e tyre. Ngjarja u ndalua shkurtimisht në vitet 1950 nën diktaturën fashiste të gjeneralit Francisco Franco, por rifilloi në vitin 1959 me disa rregulla.