Frenki De Jong, merr ultimatum nga Barcelona për kohën e rikuperimit

Nëse ka qenë ndonjëherë koha që Barcelona të ketë nevojë për Frenki de Jong, është tani. Dëmtimi i gjurit i Mark Bernal në fund të sezonit do të thotë se Hansi Flik ka në dispozicion vetëm tre opsione të ‘pivotit’: Mark Kasado, Pedri dhe Erik Garsia. Nga të tre, Kasado është i vetmi mesfushor natyral me tipare mbrojtëse.

De Jong duhet të ishte i disponueshëm në fillim të sezonit për Flikun, por mesfushori holandez ende po lufton me dëmtimin e kyçit të këmbës që mori gjatë “El Clasico”-s së fundit të sezonit në prill. Sipas gazetës “Mundo Deportivo”, shqetësimi që ai ka përjetuar ende nuk është larguar, gjë që është një shqetësim i madh për Barcelonën.

Holandezi heziton të rikthehet në aksion ndërsa nuk është në 100%, por Barcelona është mjaftuar me situatën e tij. Për shkak të kësaj, ata kanë dhënë një ultimatum: ai ose kthehet pas pushimit ndërkombëtar (edhe nëse shqetësimi është ende i pranishëm), ose i nënshtrohet një operacioni për të rregulluar problemin.

Është e kuptueshme që Barcelona është e frustruar. De Jong pritej të ishte jashtë vetëm për 4-5 javë fillimisht, por tani kanë kaluar më shumë se katër muaj. Prania e tij i nevojitet dëshpërimisht Flikut pas dëmtimit të Bernalit