Fshini të gjitha aplikacionet nga telefoni juaj që gjeni në këtë listë

Ndoshta keni të paktën 100 aplikacione në telefonin tuaj, dhe ndoshta më shumë. Ekziston një përzgjedhje e madhe, me gati 2 milionë aplikacione në Apple Store dhe gati 3 milionë në Google Play Store. Ekspertët këshillojnë instalimin e aplikacioneve vetëm nga dyqanet zyrtare, por ndonjëherë kjo nuk është garanci sigurie. Kjo është pikërisht ajo që po ndodh me një listë të re aplikacionesh që duhet t’i fshini menjëherë.

Lista u publikua nga Cyble, një kompani, studiuesit e së cilës zbuluan se një numër i madh aplikacionesh kanë arritur të futen tinëzisht në Play Store. Pasi instalohen dhe hapen, këto aplikacione hapin një faqe interneti phishing ose WebView të integruar brenda aplikacionit, duke kërkuar fjalëkalime sekrete që mund të përdoren për të zbrazur plotësisht portofolin tuaj.

Cyble gjeti më shumë se 20 aplikacione që synonin përdoruesit e portofoleve të kriptomonedhave, duke i mashtruar përdoruesit që t’i instalonin ato përmes instalimeve të rrezikshme në Play Store.

Fshini aplikacionet e mëposhtme:

Pancake Swap,
Suiet Wallet,
Hyperliquid
, Raydium
, BullX, Crypto
, OpenOcean,
Exchange, Meteora, Exchange,
SushiSwap,
Harvest, Finance Blog.

Aplikacionet duket se janë nga zhvillues të ndryshëm, por ato shfaqin modele të qëndrueshme, të tilla si integrimi i URL-ve të Komandës dhe Kontrollit (C&C) në politikat e tyre të privatësisë dhe përdorimi i emrave dhe përshkrimeve të ngjashme të paketave. Këto llogari zhvilluesish dikur shpërndanin aplikacione legjitime, por tani janë kompromentuar për këtë fushatë dashakeqe.

Cyble paralajmëron se këto aplikacione përdorin teknika phishing për të vjedhur fjalëkalimet e përdoruesve, të cilat më pas përdoren për të hyrë në portofolet e vërteta dhe për të harxhuar fondet e kriptomonedhave. Aplikacionet nuk u zbuluan të gjitha menjëherë, por gjatë disa javëve të fundit. Pasi të raportohen, ato hiqen nga Play Store. Kontrolloni listën më sipër dhe fshini çdo që keni në telefonin tuaj. Gjithashtu, sigurohuni që Google Play Protect të jetë i aktivizuar në çdo kohë në telefonin tuaj.

“Ajo që e bën këtë fushatë veçanërisht të rrezikshme është përdorimi i aplikacioneve që duken legjitime të kombinuara me një infrastrukturë të madhe phishing të lidhur me më shumë se 50 domene. Kjo jo vetëm që zgjeron shtrirjen e fushatës, por gjithashtu zvogëlon mundësinë e zbulimit të shpejtë nga mbrojtjet tradicionale”, thanë studiuesit.