Fundjavën e ardhshme zgjedhje lokale në Shtip, VMRRO-DPMNE-ja bojkoton

Qyteti i Shtipit po përgatitet për emërimin e kryetarit të ri të komunës. Më 13 dhjetor, në zgjedhjet e parakohshme lokale, do të zgjidhet personi që do ta drejtojë këtë komunë më pak se një vit. Fushata tashmë ka filluar në terren. Aktivistët e partisë vendosin afishe.

https://youtu.be/tE9e5TnYIPo

Qyteti është “vërshuar” me tabela të kandidatëve që garojnë për kryetar komune në qytetin më të madh në Maqedoninë Lindore. Por, nëpër Shtip nuk ka asnjë eufori parazgjedhore, e cila ishte e njohur këtë verë, kur u organizuan zgjedhjet e parakohshme parlamentare. Qytetarët që pyetëm a është e sigurt që me numër të lartë të pacientëve me koronavirus të organizohet garë zgjedhore- kishin mendime të ndara.

“Unë nuk mendoj se nuk është e sigurt. Nuk është e sigurt. G: Pse? O: Epo, shumë njerëz do të dalin në votime, për këtë, nuk është e sigurt. Na dhanë maska që t’i mbajmë jashtë dhe është e sigurt të shkosh për votim në vend të mbyllur”.

“Nëse duhet të votojmë, do të votojmë, kjo është gjëja më normale.”

“Nëse jemi të kujdesshëm, gjithçka mund të përfundojë mirë.”

“Nëse zgjedhjet parlamentare u organizuan, të njëjtën mund ta bëjnë edhe për zgjedhjet lokale.”

“Do të dilja. “Edhe herën e kaluar ishim, por nuk kishte asgjë”.

Por situata me virusin Korona në Shtip nuk është e aspak e mirë. Nga të shtruarit në spital, më shumë se gjysma janë në terapi oksigjeni.

Nëse ka nevojë, menaxhmenti ka plan. Shtretërit nga departamentet e tjera do të lirohen nëse është e nevojshme, kjo do të mendohet, por ne shpresojmë që kjo të mos ndodhë dhe nevoja për shtretër spitalor nuk do të rritet – deklaroi Marina Shumanovska, zëdhënëse e spitalit të Shtipit.

Shtipi do të zgjedhë kryetar të ri pasi Bllagoj Boçvarski u zgjodh Ministër i Transportit dhe Lidhjeve. Në lojë për mandat që do të zgjasë deri në tetor të vitit të ardhshëm, kur do të jenë zgjedhjet e rregullta lokale në vend, janë pesë kandidatë- Trajçe Mitev si i pavarur, Llazar Naumov nga TMRO, Sashko Nikollov nga LSDM, Goce Angellov nga koalicioni “E ardhmja në duart tona”, si dhe Simon Polikarp, i njohur për qytetarët e Shtipit si Xhimi, i cili ka lindur në Nigeri dhe jeton në Shtip që nga ditët e tij si student, si kandidat i partisë Integra. VMRO DPMNE do të bojkotojë zgjedhjet sepse beson se në mes të pandemisë nuk është koha për zgjedhje për kryetar komune, mandati i të cilit do të jetë vetëm disa muaj.

Bojan Stojanovski d