Fyen një prodhues makinash, tani duhet t’i kërkojë falje për 90 ditë

Pronari i llogarisë “Xiaoni Talks About Cars” në platformën e shkurtër video Douyin humbi në gjykatë dhe u dënua në shkallë të parë duke u urdhëruar t’i kërkonte falje prodhuesit kinez të makinave Nio dhe ta kompensonte atë për humbjet financiare. departamenti juridik i atij prodhuesi të automjeteve elektrike.

Gjykata vendosi se pronari i këtij profili, Gu, kishte keqinterpretuar dhe fabrikuar qëllimisht informacione në platformën në fjalë, duke cenuar reputacionin e prodhuesit Nio. Gjykata tani kërkon që ai të postojë një falje në profilin e tij në Douyin brenda 90 ditëve dhe të kompensojë kompaninë për humbjet financiare prej më shumë se 600,000 juanë (rreth 77,000 euro) brenda 10 ditëve nga vendimi, thuhet në njoftim.

Që nga 6 prilli, Gu ka ngarkuar më shumë se 10 video të shkurtra në profilin e tij, duke përdorur gjuhë fyese dhe vulgare, duke tallur dhe sulmuar Nio-n dhe pronarët e makinave Nio, thuhet në deklaratë.

Nio më pas ngriti një padi kundër Gu, duke kërkuar që ai të hiqte videot, të kërkonte falje publike dhe të paguante dëmin. Gjykata vendosi se videot e postuara nga Gu “dëmuan me qëllim të keq reputacionin e kompanisë dhe i shkaktuan dëm asaj”. Duhet theksuar se aktgjykimi është i shkallës së parë dhe se Gu mund të apelojë.

Meqë ra fjala, zemërimi i tij ndaj kompanisë nisi kur “Nio” nuk pranoi t’i dorëzonte një automjet, edhe pse në korrik e kishte paguar çmimin e plotë për një “ES6” të ri.