Gjëja kryesore që duhej të bëhej një qytetërim multiplanetar sipas Elon Musk

Një profil që ndjek informacionin për Elon Musk në platformën X, ka publikuar një video të regjistruar 13 vjet më parë, në të cilën CEO i Tesla dhe themeluesi i SpaceX flet për sfidat e zhvillimit të raketave që mund të përdoren më shumë se një herë. Më pas ai theksoi se një gjë e tillë vështirë se ka gjasa, por se “SpaceX” do të përpiqet ta bëjë: “Mund të mos ia dalim, por do të përpiqemi ta bëjmë”, janë fjalët e Musk.

Udhëtimi i kompanisë së tij drejt këtij qëllimi filloi me fluturimin e saj të parë në vitin 2010, dhe ndërsa raketat e para nuk ishin menduar të ripërdoreshin, ai vizion ishte gjithmonë aty. Me kalimin e kohës, SpaceX ia doli këtë dhe falë ripërdorimit të raketës, kostot e nisjes janë ulur ndjeshëm.

Për këtë postim, apo një video në rrjetin e tij social ka reaguar vetë Elon Musk. Ai shkroi se sot raketa Falcon 9 është rreth 75 për qind e ripërdorshme dhe nisja zgjat disa ditë. Raketa e re që ata po zhvillojnë dhe testojnë aktualisht, Starship, e cila është gjithashtu raketa më e madhe në histori, është projektuar të jetë 100 për qind e ripërdorshme për fluturime të reja. Gjithashtu, siç shkroi Musk, ndryshe nga Falcon, i cili kërkon ditë për t’u ri-fluturuar, Starship në teori mund të ripërdoret vetëm një orë pas uljes.

Përparimi që ka bërë SpaceX deri më tani, dhe ai i pritur me Starship, do të jetë kritik për qëllimin kryesor të SpaceX. Edhe pse kjo është e gjitha në fazën e fantashkencës për momentin, dëshira e Musk është që një ditë fluturimet në hapësirë ​​të bëhen të zakonshme dhe të shpeshta, në mënyrë që ne të mund të fluturojmë në planetë të tjerë. Pra, ne mund të bëhemi vërtet një qytetërim ndërplanetar, dhe çelësi për këtë do të jetë mundësia e ripërdorimit 100 për qind të raketave. Ashtu si ne sot fluturojmë rreth Tokës me aeroplanë, Starship dhe raketa të ngjashme të ardhshme mund të fluturojnë drejt planetëve të tjerë.

“Starship” aktualisht është në fazën e testimit, ndërsa së fundmi është shtyrë edhe fluturimi i pestë testues i kësaj rakete, e cila sipas njoftimeve të fundit duhet të ngrihet deri në fund të gushtit, ndonëse gjithmonë ka mundësi për vonesa të reja.