Gjendet proteza metalike e dorës gati 600 vjeçare e vjetër

Një grup arkeologësh gjermanë kanë zbuluar një skelet me një dorë proteze metalike në Freising, Gjermani. Proteza ishte prej hekuri dhe zëvendëson katër gishta të munguar.

Brenda protezës u gjet një material i ngjashëm me garzë, të cilin mbajtësi mund ta ketë përdorur për të zbutur veprimin e gjymtyrës artificiale në trungun e dorës. Falë datimit të karbonit, studiuesit vlerësuan se proteza është pothuajse 600 vjeçare.

Arkeologët e gjetën skeletin në një varr pranë një kishe në Freising, afër Mynihut, e cila ishte skena e betejave të shumta ushtarake gjatë Mesjetës dhe Luftës Tridhjetëvjeçare, e cila çoi në një rritje të amputimeve dhe kërkesës për proteza.