Gjendje kaotike pas vërshimeve në fshatin Rramanli të Kumanovës

Në shekullin 21 kur shumë vende po përparojnë në teknologji dhe infrastrukturë, fshati Rramanli i Kumanovës ende përballet me mungesën e një sistemi bazik të kanalizimit. Banorët e fshatit janë të zhgënjyer dhe të zemëruar për shkak të kësaj situate, që sipas tyre, është rezultat i inateve dhe interesave politike të kryetarit të komunës.

“Për vite me radhë, ne kemi kërkuar një zgjidhje për këtë problem të rëndësishëm, por kërkesat tona janë injoruar,” thotë një banor i fshatit Rramanli.

“Kjo mungesë e kanalizimit ndikon negativisht në shëndetin dhe jetën tonë të përditshme.”

Kryetari i komunës ka qenë subjekt i kritikave të shumta, ndërsa banorët dhe aktivistët lokalë kërkojnë që të merren masa urgjente për të siguruar një infrastrukturë të denjë për shekullin 21.

“Kjo nuk është çështje politike, është çështje jetike,” thekson një tjetër banor.

Pa një zgjidhje të shpejtë dhe efektive, fshati Rramanli rrezikon të mbetet mbrapa në përparimet infrastrukturore dhe shëndetësore që pjesa tjetër e vendit po i arrin. Banorët mbeten me shpresën se zëri i tyre do të dëgjohet dhe se politika nuk do të jetë pengesë për përmirësimin e kushteve të jetesës në fshatin e tyre.

Deri në këto momente nuk ka përgjigje dhe ndërhyrje prej komunës së Kumanovës.