Gjermani, mbi 10 mijë raste të reja me Covid-19
Gjatë 24 orëve të fundit në Gjermani si pasojë e COVID-19 jetën e kanë humbur 264 persona. Instituti Robert Koch (RKI) njoftoi se 10.580 persona janë diagnostikuar me COVID-19 në 24 orët e fundit, me çka numri i përgjithshëm i rasteve në vend është rritur në 2.482.522. Me vdekjet e reja numri i viktimave është rritur në 71.504. Në Gjermani 4 milionë e 550 mijë persona e kanë marrë dozën e parë të vaksinës ndërsa 2 milionë e 300 mijë të tjerë dozën e dytë.
