Gjermani, ministri i Shëndetësisë pozitiv me COVID-19
Ministri gjerman i Shëndetësisë, Jens Spahn ka rezultuar pozitiv me COVID-19 dhe është vetëkarantinuar.
“Deri më tani, ai ka shfaqur vetëm simptoma të ftohjes”, tha Ministria e Shëndetësisë.
Spahn është një nga zyrtarët më të rëndësishëm të Gjermanisë në luftën për frenimin e përhapjes së koronavirusit të ri.
Gjermania po përballet me një rritje të re në rastet e COVID-19, duke regjistruar më shumë infektime ditore sesa në fillim të pandemisë në mars, megjithëse testimi është rritur ndjeshëm që nga ajo kohë.
