Gjermania, Franca, BM dhe SHBA dakord për vazhdimin e lidhjeve transatlantike
Shefat e diplomacisë së Gjermanisë, Francës, Britanisë së Madhe dhe SHBA-së deklaruar qëllimin e tyre për të vazhduar lidhjet transatlantike, pas takimit të tyre të parë virtual që kur presidenti, Joe Biden mori detyrën si president i SHBA-së.
“Ministrat e Jashtëm ranë dakord për vazhdimin e partneritetit, tradicionalisht të fortë transatlantik dhe së bashku të përballen me sfida globale në të ardhmen”, theksuan ata në një deklaratë.
“Ky shkëmbim i parë i thelluar midis ministrave të jashtëm që nga betimi i presidentit Biden është karakterizuar nga një atmosferë e sigurt dhe konstruktive.
Sipas deklaratës, ministrat europianë dhe homologu i tyre i ri amerikan, Antony Blinken folën për marrëveshjen bërthamore të Iranit, e cila ka qenë e rrezikuar që kur ish-presidenti, Donald Trump tërhoqi vendin e tij në 2018.
Tre vendet europiane nënshkruese të marrëveshjes në vitin 2015 dhe SHBA-ja diskutuan për mënyrën se si një qasje e unifikuar mund t’i përgjigjet shqetësimeve tona të përbashkëta për Iranin”, theksoi në një mesazh në Twitter, ministri i Jashtëm britanik, Dominic Raab.
“Këto shkëmbime virtuale kanë pasur rastin të përqendrohen edhe në çështje të tjera si pandemia e koronavirusit, marrëdhëniet me Kinën dhe Rusinë dhe politikat klimatike botërore”, theksoi Berlini.
Ministri francez i Punëve të Jashtme, Francez Jean-Yves Le Drian i përshkroi diskutimet si një bisedë e rëndësishme për Iranin dhe për mënyrën se si të menaxhojnë së bashku sfidat bërthamore dhe të sigurisë rajonale.
“Sekretari amerikan i ShtetitAntony Blinken nënvizoi angazhimin e SHBA për veprim të koordinuar për të kapërcyer sfidat globale”, theksoi zëdhënësi i diplomacisë amerikane Ned Price.
