Gjiganti italian kërkon De Brujnën, poashtu edhe Napoli e Çikago janë në garë
Skuadra e Juventusit thuhet se ka bërë një hetim për disponueshmërinë e mesfushorit të Man. Sitit, Kevin De Brujne. Sipas gazetarit Mateo Moreto, “Bianconerë”t kanë kontaktuar lojtarin belg këtë javë për të vlerësuar situatën e tij, pasi kontrata e tij me Sitin do të skadojë në fund të sezonit.
33-vjeçari pritet të largohet nga Siti si lojtar i lirë këtë verë, ndërsa Çikago Fajërr nga Major League Soccer është aktualisht në negociata me mesfushorin, i cili gjithashtu është kontaktuar edhe nga Napoli.
Juventusi po shqyrton mundësinë e shtimit të De Brujne-s në skuadrën e tyre, megjithëse nuk janë nisur negociata zyrtare. Klubi nga Torino po vlerëson fizibilitetin e transferimit, duke marrë parasysh aspektet financiare dhe kërkesat e lojtarit për pagë.
Ndërsa De Brujne po peshon opsionet e tij për kapitullin tjetër të karrierës së tij, interesi i Juventusit i shtohet listës së destinacioneve të mundshme për mesfushorin me përvojë. Situata mbetet e paqëndrueshme, me zhvillime të mëtejshme që priten në javët në vijim.
