Gjobiten 188 vozitës, 39 për tejkalim të shpejtësisë
Ministria për Punë të Brendshme gjatë ditës së djeshme (01.07.2021) ka vazhduar me kontrollet e shtuara në trafik, me çrrastë vetëm në territorin e Shkupit janë shqiptuar gjithsejtë 188 gjoba dhe atë” për tejkalim të shpejtësisë 39, motoçiklistëve u janë shqiptuar 31 gjoba, 11 për ngasje të makinës pa patentë shoferi. Nga MPB-ja njoftojnë se janë shqiptuar edhe 18 gjoba për përdorim të telefonit gjatë vozitjes, 14 për ngasje të makinës në gjendje të dehur dhe 48 gjoba të tjera për parkim të parregullt.
