Zbulohen gjurmë 90 mijë vjeçare të njeriut në plazhin maroken. Një ekip arkeologësh kanë zbuluar gjurmët më të vjetra të njeriut të regjistruara ndonjëherë në Afrikën e Veriut dhe në Mesdheun jugor. Gjurmët, që datojnë 90.000 vjet më parë, u gjetën në një plazh të Marokut, nga një ekip shumëkombësh, duke përdorur një metodë të fundit optike që përcakton ekspozimin e fundit të mineraleve specifike ndaj nxehtësisë ose dritës së diellit. Gjetjet hedhin dritë mbi një koleksion prej 85 gjurmësh nëpër dy shtigje, që i atribuohen të paktën pesë njerëzve të epokës së akullnajave, që përfshijnë grup mosha të ndryshme nga fëmijët tek të rriturit. Pavarësisht nga erozioni i vazhdueshëm, gjurmët ka të ngjarë të ruhen për shkak të kushteve të valëve të motit të mirë dhe shtrirjes së baticës.
/Alsat.mk
