Godet rrufeja, dhjetëra të lënduar pas shpërthimeve në një hapësirë të rezervuarëve të naftës në Kubë

Një zjarr i shkaktuar nga një goditje rrufeje në një objekt magazinimi të naftës shpërtheu në mënyrë të pakontrolluar të shtunën në qytetin e Matanzas.

Kështu, sipas mediave të huaja, katër shpërthime dhe flakët plagosën rreth 80 njerëz dhe lanë 17 zjarrfikës të zhdukur, thanë autoritetet kubane.

Zjarrfikësit dhe specialistë të tjerë po përpiqeshin ende të shuanin zjarrin në “Bazën e Supercisternës Matanzas”, ku zjarri filloi gjatë një stuhie të së premtes mbrëma, tha Ministria e Energjisë dhe Minierave.

Qeveria tha më vonë se kishte kërkuar ndihmë nga ekspertë ndërkombëtarë në “vendet mike” me përvojë në sektorin e naftës.

Agjencia zyrtare Kubane e Lajmeve tha se rrufeja goditi një cisternë, duke shkaktuar një zjarr dhe zjarri më vonë u përhap në një të dytë.

Ndërsa helikopterët ushtarakë fluturonin lart duke hedhur ujë mbi flakët, kolona e dendur e tymit të zi dilte nga objekti dhe u përhap në perëndim më shumë se 100 kilometra (62 milje) drejt Havanës.