Hiqni rriqrën duke përdorur një mënyrë shumë të lehtë dhe efikase
Hiqni rriqrën duke përdorur një mënyrë shumë të lehtë dhe efikase
Pas procedurës së radhës, ajo do të dalë vetë në sipërfaqen e lëkurës
Nëse vini re se një rriqër është ngjitur me ju ose kafshën tuaj shtëpiake, gjëja e parë që duhet të bëni është të mos bëni panik, në mënyrë që të mund të reagoni sa më të sigurt.
Sipas ekspertëve, rriqra duhet hequr sa më shpejt që të jetë e mundur, brenda 36 orëve të para pas pickimit, për të reduktuar gjasat e transmetimit të infeksionit.
Është shumë e rëndësishme që ta tërhiqni siç duhet, në mënyrë që koka dhe tubat të mos mbeten në lëkurë, transmeton Telegrafi.
Ekzistojnë metoda të shumta për nxjerrjen e këtij insekti:
– duke e lyer “vendin e sulmuar” me vaj luledielli
– fërkim me sapun
– me piskatore etj.
Disa njerëz përdorin edhe aceton, gjë që nuk duhet ta bëni kurrë!
Nga ana tjetër, ekziston një mënyrë e lehtë dhe efikase për të hequr rriqrat, që shumë njerëz e sugjerojnë.
Çfarë duhet të bëni?
Vendi ku ka ngelur rriqra duhet spërkatur me kripë të imët dhe sipër duhet vendosur një copë pambuku të lagur. Më pas do të duhej më së shumti gjysmë ore, dhe shpesh herë më herët, që ky insekt të del vetë në sipërfaqe.
Pastaj sigurohuni që ta vendosni në një kuti dhe ta çoni në laborator, në mënyrë që të konstatohet se nuk është bartës i poliomielitit apo encefalitit.
Ilaç natyral kundër mushkonjave dhe rriqrave
Nevojiten:
– 200 ml ujë
– 25 g karafil
– 2 lugë alkool
Përgatitja e thjeshtë:
Hidhni 25 gr karafil në 200 ml ujë të vluar, ziejini për rreth 15 minuta, ftohen dhe shtoni 2 lugë alkool. Para se të largoheni, lyeni veten dhe kafshën tuaj me këtë zgjidhje.
Nëse nuk keni kohë ta përdorni këtë produkt, një zëvendësues i mirë blihet edhe vaji i karafilit, i holluar me ujë – disa pika për litër ujë. As mushkonjat dhe as rriqrat nuk e durojnë erën e karafilit.
Nëse vëreni ndonjë ndërlikim ose nëse mendoni se nuk jeni mjaftueshëm të aftë për të hequr rriqrën vetë, duhet të konsultoheni me mjekun.
